-- ADVERTISEMENT --
Nagahanda na ang provincial government sang Negros Oriental para sa public viewing sang bangkay ni Governor Roel Degamo sa Provincial Capitol.
Sa interview sang Bombo Radyo Bacolod kay Grace Agabon, Public Information Officer sang Negros Oriental provincial government, ang bangkay ni Degamo ang igabyahe bwas padulong sa Provincial Capitol kun sa diin magatinir ini tubtob Domingo ukon Lunes.
Sa Lunes sang aga, ini ang igabyahe padulong sa Siaton, Negros Oriental – sa balay sang ginikanan sini kag kun sa diin siya ginbun-ag.
As of today, sa Huwebes sa masunod nga semana, Marso 16, ang schedule sang interment sang gobernador, bangud ginahulat pa ang pag-abot sang utod sini gikan sa Estados Unidos.
