-- ADVERTISEMENT --
Temporaryo nga ginlockdown ang Provincial Health Office sang Negros Occidental kahapon para sa disinfection matapos isa ka nurse ang nagpositibo sa COVID-19 sang Sabado.
Sa interview sang Bombo Radyo kay Provincial Health Officer Dr. Ernell Tumimbang, isa ka lalaki nga nurse nga residente sang Brgy. Banago, Bacolod City ang nagpositibo sa COVID-19.
Suno sa iya, ginpadala sang PHO ang nurse sa DOH regional office agud magbulig sa mga medical technologists nga nagapatigayon sang swab testing.
Suno kay Tumimbang, indi ini imbolbado direkta sa mga OFWs ukon LSIs bangud nagabulig lang ini sa pagtransfer sang mga rekords sang mga ginapangswab.
Suno sa provincial health officer, magaresume naman subong nga adlaw ang operasyon sang PHO.
-- ADVERTISEMENT --
