Nagapadayon ang monitoring sang Provincial Health Office sa mga local government units sa Negros Occidental sa mga kaso sang food and water borne diseases sa probinsya.
Suno kay Dr. Ernel Tumimbang, may mga kaso sang gastroenteritis, diarrhea kag indigestion sa probinsya apang indi ini maayo severe.
Suno kay Tumimbang sa karun wala naman sang kaso sang cholera sa Negros Occidental.
Suno diri, ang cholera, bacterial gastroenteritis kag mga bacterial illnesses ang posible nga makuha sa pagkaon kag tubig gani nagapatigayon man sang sanitary inspection ang provincial government kun sa diin ginamonitor ang mga water refilling stations, water supplies kag mga deep wells.
Suno sa iya, sa karun ginapabakod sang probinsya ang mga adbokasiya sini batok sa nasambit nga mga balatian.
