Sumugod subong nga adlaw, gindesignar na ni Negros Occidental Governor Eugenio Jose “Bong” Lacson si Provincial Legal Office Head Atty Alberto Nellas Jr. bilang acting Provincial Administrator.
Ini kasunod sang pagdagdag sang Office of the Ombudsman sang 6-months suspension kay Provincial Administrator Atty Rayfrando Diaz kag Executive Assistant II Chery Sheil Valenzuela bangod sa gina-alegar nga pag-engage sang duha sa private practice samtang yara sa ila pwesto sa gobyerno.
Ang suspension order ang nabatun sang Hunyo 7.
Paathag ni Lacson nga apisar magaserbe bilang Provincial Administrator, si Nellas ang magapabilin gihapon bilang Provincial Legal Officer.
Nagapati ini nga magapadayon lang ang normal nga trabaho sa Provincial Administration office, apisar sa pagbag-o sang pamunuan.
