Madinuagon nga nagbukas ang Provincial Meet 2019 sa Panaad Park and Stadium sang Domingo.
Opisyal ini nga ginbuksan ni Governor Eugenio Jose “Bong” Lacson kun sa diin gin-engganyo sini sa iya nga speech ang mga student-athletes nga ihatag ang ila nga ‘best’ sa hampang.
Nagtambong man sa opening ceremony si Bacolod City Mayor Evelio “Bing” Leonardia nga nag-abi-abi sa delegasyon gikan sa anom ka mga congressional districts sang probinsya, Bacolod City, Negros Occidental Private Schools Sports Cultural Educational Association (NOPSSCEA), Association of Negros Occidental Private Schools and School Administrators Inc.(ANOPSSAI) kag Negros Occidental High School (NOHS).
Sa interview sang Bombo Radyo Bacolod kay Mr. Romeo Sison, Department of Education provincial sports coordinator kag subong man DepEd education program supervisor, ginpahayag sini nga kapin 6 mil ka mga atleta kag mga coaches gikan sa napulo ka mga athletic divisions ang nagtambong sa opening ceremony.
Dugang pa sini, may yara sang 6 millio pesos nga pondo nga ginpa-in ang probinsya para sa nasambit nga hinampang.
Ang magadaog sa provincial meet ang magarepresentar sa Negros Occidental sa regional meet nga hiwaton sa probinsya sang Capiz sa masunod nga tuig.
Samtang, padayon nga nagapanguna ang host country nga Pilipinas sa medal standings sa hinampang sa masobra 300 na sini ka medalya.
Santo sa ulihi nga standings, may yara na sang 135 gold, 102 silver kag 105 bronze ang Pilipinas ukon kabug-usan nga 342 medals.
Samtang nagsaka na sa ikaduha nga pwesto ang Thailand nga may 83 gold, 90 silver, kag 101 bronze medals.
Yara na lang karun sa ikatatlo nga pwesto ang Vietnam nga may 79 gold, 78 silver kag 93 bronze medals.
Pang-apat ang Indonesia nga may 69 gold, 76 silver, 102 bronze kag panglima ang Singapore nga may 50 gold, 42 silver kag 59 bronze medals.
Yara sa ikaanom nga pwesto ang Malaysia nga may 51 gold, 51 silver kag 67 bronze, kag pangpito ang Myanmar nga may 2 gold, 10 silver kag 24 bronze medals.
Yara sa ikawalo nga pwesto ang Cambodia nga may 4 gold, 6 silver, kag 31 bronze kag ika-siyam ang Myanmar nga may 3 gold, 18 silver kag 5 bronze medals.
Ikanapulo sa medal standings ang Lao nga may 5 silver kag 23 bronze medals samtang nagapangulihi sa gihapon ang Timor Leste nga may isa ka silver kag 5 ka bronze medals.
