Magatakop na subong nga adlaw ang Provincial Meet 2024 nga ginapatigayon sa ciudad sang Bacolod.
As of 2:14 kahapon, ang Bacolod Division ang nagapanguna sa 55 gold medal, 46 silver medal, kag 37 bronze medal.
Ini ang ginasundan sang Negros Occidental division nga may 45 gold medal, 18 silver medal kag 26 bronze medal.
Kag ikatatlo naman amo ang Esacalante division nga may walo ka gold medal, tatlo ka silver medal kag duha ka bronze medal.
Sa interview sang Bombo Radyo kay Romeo Sison, Negros Occidental Provincial Sports Coordinator, maayo ang kondisyon sang mga kabataan nga athletes kag wala sang ano man nga dalagko nga mga insidente.
Suno diri, subong nga aga igapadayon ang mga nabilin pa nga mga games samtang karun sa hapon naman patigayunon ang Closing Ceremony.
