Gindiskusyunan na sa 2nd Quarter Visayas Joint Peace and Security Coordinating Center Meeting sa Negros Occidental Police Provincial Offfice ang may kaagtanan sa pala-abuton nga Barangay and Sangguniang Kabataan Elections.
Sa interview sang Bombo Radyo kay Brigadier General Orlando Edralin, commander sang 303 rd Infantry Brigade, sentro sang ila gin-esturyahan amo ang preparasyon sang Philippine National Police, Armed Forces of the Philippines kag Philippine Coast Guard para sa Barangay and Sanggunian Kabataan Elections.
Suno diri, padayon sila nga nagakig-angot sa Commission on Elections sa status sang ciudad kag kabanwahanan sa mga posible nga makabig nga Election Watchlist Areas.
Padayon pa ang trabaho sang COMELEC sa pagtumod kag pagkumpirmar sa mga hotspot areas, nga sa karun ang una nila nga ginabasehan amo ang rekord sang hotsopt area sa nakaligad nga eleksyon.
