Gin-athag sang acting head sang Provincial Veterinary Office nga wala pa sang deklarasyon sang hog cholera outbreak sa probinsya sang Negros Occidental.
Nahibaluan nga masobra 2,500 na ang nagkalamatay nga baboy sa probinsya sang Negros Occidental bangud sa nasambit nga balatian.
Sa interview sang Bombo Radyo kay Dr Ryan Janoya, iya ginkumpirma nga may yara sang dugang nga mga nagkalamatay nga baboy apang gina tsekyar pa kun cholera, heat stroke, diarrhea ukon iban nga klase sang sakit ang gintunaan sang kamatayon sang mga baboy, gani indi pa madeklarar nga may yara sang Hog Cholera Outrbreak sa probinsya.
May yara naman sang nakuha nga mga random sampling ang Bacolod City Department of Agriculture nga sa karun ginahulat na lamang ang resulta.
Samtang, negatibo sa gihapon sa kaso nga African Swine Fever (ASF) ang probinsya sang Negros Occidental.
