Nag-abiso ang provincial veterinarian sang Negros Occidental sa mga pumuluyo nga indi magkabalaka bangud bastante ang supply sang karne sang baboy kag manok sa palaabuton nga Disyembre.
Sa interview sang Bombo Radyo kay Dr. Renante Decena, ginpahayag sini nga naga-average sa P200 ang presyo sang karne sang baboy sa bilog nga probinsya samtang yara naman sa P220 ang presyo sini sa ciudad sang Bacolod.
Suno kay Decena, yara naman sa P150 tubtob P155 ang presyo sang kada kilo sang dressed chicken.
Suno sa iya, magluwas sa local, ang Manila kag Cebu sa karun ang outlet sang backyard kag commercial nga mga karne.
Suno sa provincial administrator, nagadangat sa 800 tubtob 1,000 ka mga baboy ang ginapadala sa Manila kada semana kun sa diin 80% diri ang backyard samtang 20% naman ang commercial.
Kapin 9,000 ka mga market hogs suno diri ang ginapagwa kada bulan gani ginalauman sini nga mabalikang kusog sang mga manugbaboy.
Suno kay Decena, wala man sang problema sa supply sang hamon apisar nga ginadumilian ang pagpasulod sang mga pork products sa Negros bangud may yara sang duha ka mga local manufacturer sa probinsya.
