Ginkumpirmar ni anay President Rodrigo Duterte nga gintugyanan sini si anay Philippine Charity Sweepstakes Office General Manager Royina Garma nga magpangita sang police agud nga magamit sa kampaniya batok sa iligal nga druga.
Madumduman sa nangin rebelasyon ni Garma sa ulihi nga hearing sang Quad Comm, ginpahayag sini nga gintawgan siya ni Duterte sadtong Mayo 2016 kag ginapapangita siya sang mga police nga miyembro sang INC nga may kapasidad nga magpatuman sang drug santo sa Davao model kag ini man ang ginhimo ni Garma.
Sa isa ka interview, ginpahayag ni Duterte nga matuod nga gintulinan niya si Garma nga magpangita sang mga pulis nga miyembro sang nasambit nga sekta.
Suno kay Duterte, masaligan ang mga nasambit nga mga police sa bisan ano ang ipaubra sa mga ini kag sa kwarta ukon pondo nga ihatag sa ila.
Kasubong, wala gindetalye sang anay presidente kun ano nga proyekto ang ginatumod sini nga mahimo ipauyatan sa mga police.
Samtang gin-athag naman sang anay presidente nga wala sini ginmando sa mga police nga magpatay sang mga drug personalities kabaylo sang pila ka kantidad.
