Liwat nga nagfile sang certificate of candidacy sa pagpapili sa pagka-Gobernador sa Negros Oriental si Pryde Henry Teves.
Si Teves ang nagfile kahapon, upod kay Dumaguete City Mayor Felipe Antonio Remollo.
Madumduman nga si Teves ang opisyal nga gindeklarar nga nagdaog sa pagka-gobernador sang 2022 Elections, apang ang desisyon ang ginbawi sang Commission on Elections.
Ini matapos nga madesisyonan nga idugang kay late Governor Roel Degamo ang boto nga nakuha sang gindeklarar nuisance candidate nga si Ruel Degamo.
Ang desisyon sang Comelec ang gintindugan man sang Korte Suprema sang Pebrero 2023.
Ang mag-utod nga Pryde kag Arnie Teves ang lunsay gindesignar nga terrorista sang Anti-Terrorism Council sang Hulyo 2023 may kaangtanan sa gina-alegar pagpamatay kag harrassment sa Negros Oriental.
