Liwat nga nagpahanumdom ang Provincial Social Welfare and Development Office sa mga benepisyaryo sang Pantawid Pamilyang Pilipino Program nga indi na mag-apply agud nga makabaton sang educational assistance nga ginahatag sang DSWD.
Suno kay PSWDO head Merle Garcia, indi kwapilikado ang 4Ps beneficiaries bangud ang conditional cash transfer nga ginahatag sa ila ang nakatigana para sa edukasyon sang mga kabataan.
Ang mga nakaavail sang educational assistance sang Sabado, Agusto 20, ini ang ila nga igarefund kag kun nagasto na, ini ang amat-amat nga igabuhin sa ila nga mabaton nga ayuda kada quarter.
Nagpahanumdom man ini sa mga nagparehistro online nga indi 4Ps beneficiaries nga hulaton ang confirmation message nagikan sa DSWD antes magkadto sa payout site bangud ginavalidate pa ang dokyumento nga ginpasa.
Sa ikaduha nga adlaw sang payout, 500 ang target nga mahatagan sa ciudad sang Bacolod samtang 2,500 naman sa bilog nga Negros Occidental.
