Ginpahayag sang isa ka psychologist kag educator sa probinsya sang Negros Occidental nga dapat nga may yara sang hotline ang probinsya nga mahimo tawgan sang mga biktima sang pagpang-abuso agud nga mapangayuan sang bulig.
Sa interview sang Bombo Radyo Bacolod kay Sir Chris, wala sang malain nga ginadisiplina ang isa ka bata apang dapat ini ang positive discipline.
Ang positive discipline amo ang pag-estorya sa isa ka bata agud nga makahibalo ini nga sala ginhimo sini.
Suno kay Sir Chris, ang masami nga pagsakit sa bata ang indi na makabig nga pagdisiplina bangud ini ang makabig nga pag-abuso na.
Suno diri ang mga tawo nga nagahimo sang violence ang madamo nga rason ukon factors kaangay sang anger management issues, stress ukon may yara man sang traumatic experiences gani ini ang ginahimo niya man sa tion nga makabata man ini.
Suno diri dapat ang gobyerno ang may himuon nga intervention agud nga mabuligan ang mga biktima sang pagpang-abuso.
Ginkasubo man sini nga apisar nga may layi sa pagpabilin sang mental well being sang tawo ukon ang Philippine Mental Health Law, officially known as Republic Act (RA) No. 11036 apang wala man napatuman.
Suno diri, bangud indi man makapanghilabot ang mga tawo sa kaangay sa natabo sa Bacolod Public Plaza nga ginsakit sang amay ang bata paagi sa paghampak sang lipak sa tangkugo, i-refer nalang ini sa government agencies kaangay sang Department Of Social Services & Development (DSSD) agud nga mahimuan sang nagakaigo nga tikang.
