Nagpatigayon sang public consultation ang Environmental Management Bureau – Negros Island Region (EMB-NIR) sa banwa sang EB Magalona para sa plano nga Negros Occidental Bulk Water Supply Project.
Suno kay EMB NIR Director Vicente Losbañes, kasunod sa pagdeny sang Silay City Local Government Unit sa proyekto, plano sa karun nga iimplementa na lang ini sa brgy San Isidro, EB Magalona.
Suno diri, ginkonsulta ang pumuluyo agud mapahibalo sila sang proyekto kag mabatian ang ila concerns.
May yara sang mga pamangkot kun bala matigayon ang proyekto, may yara sang pagnubo sang supply sa banwa apang pahayag ni Losbañes, santo sa pagtoon, wala sang mangin problema sa supply sang tubig sa banwa.
Samtang, may pila pa ka pamangkot ang mga pumuluyo kag ini iresolba sang provincial government antes ipatigayon ang masunod nga hearing.
