Nagpagwa sang executive order si Mayor Renato Gustilo nga nagadeklarar sang Public Health Emergency sa San Carlos City bangud sa nagasaka nga kaso sang amoeba sa ciudad.
Sa interview sang Bombo Radyo kay Gustilo, sa data kahapon, nagdangat na sa kapin 100 ang numero sang mga pumuluyo, kalabanan mga kabataan, nga na-admit sa ospital bangud sa amoeba.
Suno sa iya, 12 ka mga barangay ang apektado sang kaso kag ang nagapanguna diri amu ang Barangay Buluangan nga may 47 ka mga kaso.
Suno diri, antes paman ini nag-issue sang executive order, nagmando na ini sang imbestigasyon sa sources sang amoeba sa ciudad.
Base sa report kag laboratory test, ang supply sang tubig sa ciudad ang may yara sang presensya sang chlorine kag ini ang nagapatimaan nga wala sang presensya sang bacteria gani sila ang nagapangita sang lain nga sources.
Suno diri, nagsugod ang kaso sa San Carlos lima ka adlaw na ang nakaligad kag kalabanan nga apektado amu ang mga kabataan.
Sa mga pigado naman nga na-admit sa ospital, ginashoulder sang gobyerno ang hospitalization.
Nagapanugyan ini sa mga kabataan nga likawan ang pagbakal sang mga pagkaon kag ilimnon nga wala nahibaluan ang source sang tubig.
