Ginpahayag naman sang asawa ni Kokoi Baldo, ang reggae singer nga napatay matapos nga aksidente nga malapakan sang 10 wheeler truck sa Purok Aktib, Circumferential Road, Barangay Mandalagan, ciudad sang Bacolod kahapon sang kaagahon nga italana pa nila ang public viewing sa haya sang biktima
Nahibaluan nga ang bangkay sang reggae singer ang gincremate kahapon.
Sa interview sang Bombo Radyo Bacolod kay Sam Mendoza, ipost nalamang nila sa facebook page kun san-o ang public viewing.
Suno kay Mendoza, ginapasalamatan sini ang tanan nga mga fans kag mga personalidad nga nagpabutyag nga mag-arrange sang concert for a cause bangud dako man ini nga bagay agud nga makabulig sa ila nga pamilya.
Ginpahayag man sini nga may yara man sang mga individual nga luyag magdonate.
Ginpadangat man sini sa mga fans sang singer nga palangga sila ni Kokoi.
Suno kay Mendoza madamo man sang handom ang iya bana antes pa man ini maaksidente.
Ginpasalamatan man sini si Sarah Geronimo kag mga kaupod niya sa singing reality show nga The Voice Season 2 sang 2014 nga nagbulig kag nagpalangga man sa iya nga bana.
