Gintudluan sang Swedish nga musikero kag YouTuber nga si Mattias Krantz ang isa ka pugita nga magtukar sang piano sa sulod sang anum ka bulan.
Ang pugita ang ginhingadlan ni Krantz nga Takoyaki ukon Tako kun sa diin ginbakal niya ini sa Portuguese fishery sang Marso.
Suno kay Krantz, nagsugod si Tako nga magtukar sang piano sa isa ukon duha pa lamang ka nota tubtob nga nagbutang siya sang “crab elevator” sa tank nga ginbutangan sang paborito nga kalan-on sang pugita sa kada tion nga ini ang makatukar sang nota.
Ini ang rason nga nangin ganado si Tako nga magtukar bangud sa premyo sini nga alimango.
Ginpahayag ni Kratz nga amo ini ang “pinakaworst kag pinakacool” nga proyekto nga iya naubra.
Apang, ginpahanumdom sang marine scientist nga si Jenny Hofmeister nga ang pugita ang wala nagatukar sang music pinaagi sa artform kundi para lamang makabaton sang premyo nga kalan-on.
