Nagapati ka bala sa bagat? Ano ayhan ang mabatyagan mo kun makasugata ka sa dalan sang nagalakat nga pugot ang ulo?
Kaangay sa isa ka lalaki sa Barangay Estopa 1, Quezon City, nga tuman ang kakibot sang makita ang isa ka tigulang nga babayi nga nagalakat sa isa ka eskinita nga wala sang ulo.
Sa pagdumdom ni Gelo, tuman ang iya nga kakulba sang makita ang tigulang nga wala sang ulo nga nakasuksok sang itom nga bayo kag palda kag mahinay nga nagalakat sa eskinita.
Apang sa baylo nga magpalagyo, ginkuha niya ang iya cell phone kag ini ang ginkuhaan sang video.
Ginsundan pa sini ang tigulang nga babaye sa sulod sang eskinita tubtub nga ini ang nadula pagdangat sa madulom nga area.
Suno kay Gelo, indi residente sang ila lugar ang babaye.
Apang indi lang sa cellphone nakuhaan sang video ang tigulang bangud nakuhaan man ini sang footage sa CCTV camera sang barangay.
Suno sa mga barangay officials, indi nila kilala ang tigulang nga babaye nga mahimo bag-o lamang naglabay sa ila lugar.
Apang, nakumpirmar ang sala nga pagpati, bangod natalupangdan nga may ulo ang nasambitan nga tigulang apang ini ang kaangay nga utod bangod siya ang nagaduko.
Sa padayon nga pagpangusisa, na-trace nga may utod ang tigulang sa malapit nga barangay.
Suno kay Linda Baldivia, ang babaye sa video nga ginapatihan utod ang ulo, amo ang iya utod nga si Rosenda nga anay overseas Filipino worker.
Suno kay Baldivia ginmaltrato si Rosenda samtang nagatrabaho sa luwas sang pungsod, kag nakaangkon sang deperensya sa paminsaron.
Ginapahayag nga masami nga nagakadula ang iya utod kag makapila ka beses na nila ini nga narescue.
Suno diri, isa na ka semana nga nadula si Rosenda sa nasambitan nga tion sang ini ang nakuhaan sang video.
Gani nagapanawagan ang mga ini nga sila ang buligan sa pagpangita sa iya utod kag mabuligan nga ini ang mapabulong.
