Nakapyansa na kag sa karun yara sa Police Regional Office 6 headquarters ang pulis nga nagluthang sa mag-amay sa Barangay Canjusa, Pulupandan, Negros Occidental sang Disyembre 25, 2024.
Madumduman nga napatay si Joman Fuentes, 21 anyos, single, construction worker samtang pilason naman ang amay sini nga si Jomarie Fuentes, 52 anyos, kasado, construction worker samtang ang suspect amo si Police Corporal Armin Alanza, 36 anyos, residente sa lugar apang assigned sa 604th Company sang Regional Mobile Force Battalion 6
Ang pulis ang malawig naman nga nagtinir sa ospital matapos masapote kag nakaangkon sang injury sa ulo.
Sa interview sang Bombo Radyo Bacolod kay Negros Occidental Police Provincial Office Spokesperson Judesses Catalogo, sa latest information gikan sa Pulupandan Municipal Police Station, nakagwa na sa ospital ang pulis kag nakapyansa.
Sa karun, siya ang yara sa Regional Personnel Holding and Counting Office sang PRO 6, nga ginahamtangan sang mga kapulisan nga may ginapangatubang nga kaso tubtob nga madagdag na ang final verdict.
Ini ang nagaserbe nila nga disciplinary power kag agud indi maka-impluwensya sa imbestigasyon, apang ang pulis ang makonsiderar gihapon nga on-duty.
Sa karun si Alanza ang nagapangatubang sang administrative kag criminal cases.
Madumduman nga ginfile na sang pamilya sang biktima ang homicide kag frustrated homicide batok sa pulis.
