Ginreklamo sang pumuluyo sang East Homes 2, Brgy Estefania, Bacolod City, ang kabudlayan sa supply sang tubig nga wala pa sa gihapon nasolusyonan.
Sa interview sang Bombo Radyo kay Irene Lee, residente sa nasambit nga lugar, humalin pa sang tuig 2015 ginreklamo na nila sa Bacolod City Water District (BACIWA) nga mahinay ang tubod sang tubig kag kun kaisa wala na gid sang may gagawa sa gripo.
Suno diri, bisan pa nga nagtake -over na ang PrimeWater wala man nasolusyonan ang ila problema nga mas naglala na gid bangod sadto nagatubod pa ang tubig ala- 1:00 sang kaagahon tubtob alas- 4:00 sang kaagahon apang sa karun wala na gid sang tubig.
Ginbutangan sang PrimeWater sang gripo ng bayan ang mga pumuluyo apang halos halin kaagahon tubtob kagab-ihon ang pila sang mga residente dala ang ila mga balde.
Ila pa gid ginareklamo nga padayon ang panukot sa ila sa balayran sang tubig, padayon man ang ila bayad apang wala man sila sang tubig kag ibn gina-utdan pa.
Ini mas nakapabudlay pa gid sa ila bangod kun kaisa nagabayad pa sila para magpahakot sang tubig bangod malayo na ang balay sang iban kun sa diin halin sa block 35 tubtob sa block 55 ang wala sang tubig.
