Ginpahayag sang Punong Brgy sang Brgy. Banago, Bacolod City nga mas maayo kuntani nga nadayon ang 2026 Brgy and Sk Elections.
Suno kay Punong Brgy. Arnel Benjamin, mixed emotions ang iya nabatayagan sang ginpirmahan na ni President Ferdinand Marcos Jr. ang hagna nga maga-extend sang tubtob lima ka tuig nga termino sang Brgy and Sk officials.
Ini bangud suno sa iya, may isa pa kuntani siya ka term apang aprubado na ang 5-year term extension gani mangin last term nalang niya sa masunod nga 2028 BSKE kun siya ang magpadalagan.
Dugang pa, ma-enjoy kuntani niya kun lawig ang iya termino.
Apang, ginpahayag naman ni Baldo nga bintaha sa mga incumbent brgy official ang term extension kun last term na nila bangud na-extend sang duha ka tuig ang ila pagpungko.
Sa pihak sini, ginpasiguro sang Punong Brgy nga sila ang padayon sa pagtrabaho bangud madamo pa sila sang proyekto nga kinahanglan tapuson.
Lakip na diri ang drainage system sa pila ka mga purok sang Brgy Banago, pagkay-o sang Brgy Hall kag iban pa.
