Ginpa-athag ni Punong Barangay Gener Agpalo sang Brgy 38, Bacolod City nga may yara sang deadline ang Department of Labor and Employment (DOLE) sa ginapasa nga lista para sa Tulong Panghanapbuhay sa Ating Disadvantaged/Displaced Workers (TUPAD) beneficiaries amo nga gina-una kun sin-o ang nakapasa na sang kumpleto nga requirements.
Sa interview sang Bombo Radyo kay Agpalo, may ginapangayo nga requirements ang DOLE kag ang ginpasa ni Ninfa Caballero nga voters registration indi na ma-athag kag expired na amo nga ginpangayoan ini sang lain pa gid nga government issued ID.
Apang bangod wala na nakahingagaw si Caballero antes ang due date, ginkakas na lamang ang iya pangalan sa listahan nga ginpasa sa DOLE.
Suno diri, sa ila sa barangay, wala sang may nagasunggoranay bisan pa kun kaisa may kaniya-kaniya nga opinyon sa pamulitika.
