Nagapangatubang sang administrative case nga grave misconduct kag criminal case nga paglapas sa a RA 3019 ukon Anti-Graft and Corrupt Practices Act si Punong Barangay Jason Ligaya sang Barangay 16, Bacolod City.
Ang kaso ang ginpasaka sang Bacolod City Legal Office matapos nga wala nagsunod ang Punong Barangay nga ipabilin ang katinlo sang sidewalk sa nasakupan sang Barangay 16.
Sa interview sang Bombo Radyo Bacolod kay Bacolod City Legal Officer Atty. Karol Joseph Chiu, matapos nila nga mahawanan ang sidewalk sa ginpatigayon nga road clearing nagbinalik naman ang illegal structure ilabi na ang vendo carwash nga nahamtang na mismo sa dalan kag ginapanag-iyahan mismo sang Punong Barangay.
Dugang pa ni Chiu nga ang natabo ang panawagan sa mga punong barangay nga buligan ang ciudad sa pagpabilin nga matinlo ang mga lugar nga na clearing na sang Bacolod City Legal Office.
Antes pa man nga ginpasakaan sang kaso si Ligaya napadal-an na ini sang notice agud nga kuhaon ang vendo carwash nga nahamtang na sa dalan apang wala man ini nagpati gani napilitan ang ciudad sa pagpasaka sang kaso.
