Ginpanaugan sang tatlo ka bulan nga ‘suspension without pay’ sang Office of the Ombudsman ang Punong Barangay, Barangay Kagawad kag Barangay Treasurer sang Barangay 7, Bacolod City.
Ini kasunod sang reklamo nga ginfile ni Cresenciano Torres.
Ginreklamo ni Torres sanday Barangay 7 Punong Barangay Hercy Sibug, Barangay Kagawad Bernabe Sibug kag Barangay Treasurer Edmar Base.
Sa desisyon nga ginpagwa sang Ombudsman nakasaad nga may yara ini sang nakita nga nagakaigo nga ebidensya nga nagapamatuod sang reklamo ni Torres.
Ang tatlo ang ‘administratively liable’ sa Conduct Prejudicial to the Best Interest of the Service, Grave Abuse of Authority kag Grave misconduct.
Ini bangud sa gina-alegar nga pag-issue sang subject blank check sa idalom sang pangalan sang Barangay 7, Bacolod City kag ang check ang wala ginbaton para sa encashment sa rason nga “no advice file”.
Bangud sa desisyon ang Department of the Interior and Local Government (DILG) ang nagpagwa sang memorandum agud nga ipatuman ini.
