Nagpasalamat si Punong Barangay Noli Villarosa sa tanan nga nagsuporta sa iya matapos nga nare-elect bilang punong barangay sang Barangay Tangub, ciudad sang Bacolod kasunod sang Barangay kag SK Elections kahapon.
Ini na ang third term ni Villarosa bilang punong barangay sang Tangub.
Suno kay Villarosa, wala ini nagapasalig sang dako sa mga pumuluyo kundi nagapasalamat ini sa mga residente nga naghatag sila sang suporta sa pihak sang mga kontrobersiya nga ginhaboy batok sa iya.
Suno sa punong barangay, madamo sang street lights sa Barangay Tangub nga wala nagasiga gani usisaon niya ang mga rason sa likod sini.
Aminado si Villarosa nga madamo ang nagapakamalaot kag nagapasaka sang kaso batok sa iya apang iya ginapasalamatan nga nagsakdag sa iya kandidatura.
Sa kasaysayan saang Barangay Tangub, wala nagdaog ang mga tinalikdan nga punong barangay sa ila nga third term apang iya nga nautod ang sumpa kag siya ang nare-elect bisan napierde ini sa tatlo ka mga purok.
Bangud siya ang ginhatagan sang isa pa gid ka tsansa, tutukan sini ang mga purok nga nagapati nga sila ang ginkulang sang atensyon sang barangay kag sang city government.
