Nagapasalamat ang punong barangay sang Barangy Sum-ag, Bacolod City matapos magnegatibo ang resulta sang RT-PCR test sini sang Lunes.
Sa interview sang Bombo Radyo kay Punong Barangay Rodney Carmona, nagapasalamat ini sa Ginoo bangud nagnegatibo ini sa balatian.
Suno kay Carmona, kun nagpositibo ang resulta sini, madamo gid ang mahalitan bangud madamo siya sang nakaclose contact.
Nagalaom man ini nga malampuwasan ni Punong Barangay Rosinie Distrito sang Barangay Singcang Airport ang iya ginasuprer sa karun nga kabudlayan bangud sa virus.
Nahibaluan nga nagpositibo si Distrito sa COVID-19 sang Agosto 19 kag napaidalum sa karun sa intubation.
Suno diri, may yara sang history sang pneumonia ang punong barangay nga iya man nga malapit nga abyan.
Nagapati man si Carmona nga makusog si Distrito bangud masami ini nga nagahampang sang basketball.
Suno diri, magpakabakod lang si Distrito bangud madamo sang mga kilala sini nga nagapangamuyo para sa iya kag nagapati si Carmona nga buligan gid ini sang Ginoo.
