Plano nga maghinun-anon sang Punong Barangay sa Barangay 12 kag Bacolod City Legal Officer Atty Romeo Carlos Ting Jr. agud ma-ayo nga patapuson na lamang ang tuig antes magpatigayon sang demolition.
Sa interview sang Bombo Radyo Bacolod kay Punong Barangay JR Alcantara, sa Lunes ginalantaw nga yara na ang demolition order sa bahin sang Purok Malipayon, sa likod nga bahin sang Manokan Country.
Suno diri, 56 ka mga balay ang apektado sa demolition, gani luyag sini nga ayuon kun mahimo nga patapuson na lamang ang tuig.
Paathag sini nga wala na sang tawo sa Bacolod Vendors Plaza apang amat-amat pa lamang ang pagsaylo sang mga pumuluyo sa relocation site sa Purok Arao, Barangay Vista Alegre.
Nahibaluan nga nakatukod na sang perimeter fence ang SM Prime Holdings Incorporated kag plano na nga makapatigayon sang demilition agud marenovate ang lugar.
Suno kay Alcantara, sa paghinun-anon sini sa manager sang SM, wala pa naturn-over sa ila sang Bacolod City Government ang duta nga kabahin sa Public-Private-Partnership.
