Punong Barangay sa Brgy 2, Bacolod City, nagpahayag nga kinahanglan pa mahitso ang waterpipe sang BACIWA antes mapadayun ang pagkay-o sang guba nga dalan

Gin-athag sang Punong Barangay sa Barangay 2, Bacolod City nga kinahanglan nga una anay nga malantaw sang Bacolod City Water District ang ila nga water pipe antes masuguran ang flooring sa lubak-lubak nga dalan.

Sa interview sang Bombo Radyo Bacolod kay Punong Barangay Emelda Banguanga, ang proyekto ang iya sang Department of Public Works and Highways kag Bacolod City Engineer’s Office.

Suno diri ang buho nga yara sa tunga sang dalan ang natalana nga hamtangan sang stop light.

Samtang ini ang naghinun-anon naman sa DPWH bangod ini ang nakaligad pa nga tuig nabakbak.

Apang paathag sini nga kinahanglan anay malantaw sang Baciwa ang ila nga pipe kag makahimo sang arrangement antes maka-umpisa sa flooring.