Pabor ang Punong Barangay sang Brgy Banago, Bacolod City nga dayunon ang Barangay and Sangguniang Kabataan Elections (BSKE) sa Nobyembre 2.
Sa interview sang Bombo Radyo Bacolod kay Punong Barangay Benjamin Baldo, mas maayo nga ipatigayunon ang eleksyon agud matuman ang kabubut-on sang mga pumuluyo.
Suno diri, kun luyag sang mga residente nga ilisan ang ila mga opisyal, dapat hatagan sila sang kahigayunan nga makapili pinaagi sa eleksyon.
Ginpahayag man ni Benjamin nga nagaplano siya nga magpadalagan para sa ikaduha nga termino kag nagasalig ini sa iya record sa pagdumala sa nasambit nga barangay.
Suno diri, “aga pa sa banwa,” nagaserbisyo na ini sa barangay sa kada adlaw.
Dugang pa niya, wala siya sang problema kun madayon ang eleksyon kag handa ini nga magpasakop sa desisyon sang mga botante.
