Arestado ang incumbent Punong Barangay sa Barangay Looc, Dumaguete, Negros Oriental sa drug buybust operation nga ginpatigayon sa Purok Salampati, Barangay Pulantubig, Dumaguete City.
Ang subject person ang ginkilala nga si Alyas Inah, 49 anyos, single, miyembro sang LGBTQ+ community, high school graduate.
Ang operasyon ang ginpatigayon sang Philippine Drug Enforcement Agency – Negros Island Region upod sa Police Regional Office – Negros Island Region kag iban pa nga police units.
Narecover sa iya paghinakop ang 18 ka sachet sang suspected shabu nga ginabanta nagabug-at sang 5 ka gramos kag may standard drug price nga P34,000.
Ang Punong Barangay ang natalana nga pasakaan sang kaso sa paglapas sa Republic Act 9165 ukon Comprehensive Dangerous Drugs Act of 2002.
