Natalana nga magapatigayon sang imbestigasyon ang Bacolod City Council agud mahibaluan kun ano natabo sa subsidy nga ginhatag sang ciudad sa Barangay Villamonte para sa Electric Masskara 2026.
Sa interview kay Bacolod City Councilor Al Victor Espino, chairperson sa Committee on Laws, Ordinances, and Good Governance, nadismaya ini kag naumol sang makita ang float sang Barangay Villamonte nga iya pa home Barangay.
Suno kay Espino, estoryahon sini si Punong Barangay Rommel Flores agud nga mahibaluan kun ano gid ang natabo.
Ginpahanumduman man sini ang tanan nga nagpasakop nga Barangay sa Electric Masskara sang ila nga liquidation agud nga makakuha sila sagihapon sang subsidy sa madason nga Masskara Festival 2026.
Nagpaathag naman ang Punong Barangay sang Barangay Villamonte kun ngaa indi amo ang desinyo sang ila float sa Electric Masskara Festival 2026.
Sa interview kay Punong Barangay Rommel Flores, ang P300,000 nga subsidy sang City Government sa Barangay ang indi lamang para sa Float kundi nadala naman ang dancers kag iban pa.
Suno kay Flores may yara naman sang gindesinyo ang designer para sa float apang wala lamang ini natapos.
Suno sa Punong Barangay nagkaproblema sila sa komunikasyon bangud wala siya nainform nga amo na ato ang status sang float nga dal-on sang Megaworld nga ginpresentar sa electric Masskara.
Suno pa diri nga ang sobra nga pondo sa Dinagyawan Festival ang nagasto pa nila sa float.
Ginpahayag man sini nga indi man sini mahimo nga magasto ang pondo nga indi para sa nasambit nga butang.
Wala man sila nagsolicit bangud indi man ini pwede bangud siya ang Barangay Official.
Suno sa Punong Barangay ini ang mga rasun kun ngaa nagshort sila sa preparasyon nga nagresulta sa indi maayo nga desinyo sang float.
Nahangpan man sini ang mga reaction sang mga residente sang Villamonte angot sa issue.
