Nagapaayo ang Punong Barangay sang Barangay Canlandog sa banwa sang Murcia matapos ginbuno sang tinalikdan nga Agosto 7 sa sulod sang iya nga puluy-an.
Ginkilala ang biktima kay Punong Barangay Celso Belleza kag ang suspek amo ang hinablos sang iya nga asawa.
Sa interview sang Bombo Radyo Bacolod kay Police Captain Honey Labaro, hepe sang Murcia Municipal Police Station, ang biktima ang naoperahan na kag yara na sa estable nga kondisyon samtang ang suspek ang ginpaadmit man sa ospital bangud sa nakita pilas kag may ginpakita nga dokyumento sa mga kapulisan nga may yara ini sang deperensya sa paminsaron.
Suno kay Labaro, ginapabantayan nalamang sa mga kapulisan ang suspek nga naadmit sa ospital kag subong nga adlaw natalana nga i-inquest ini agud nga mapasakaan sang kaso.
Suno sa hepe, misunderstanding ang nakita nga motibo nga mahimo naglain ang buot sang suspek kag ginsulong ang Punong Barangay.
Ginsipa sang suspek ang pwertahan, nabuslot kag natigayon nga mabuno ang biktima nga yara sa likod sang pwertahan.
Naigo ang Punong Barangay sa tiyan kag ginhingagaw dala sa ospital samtang binangon naman ang gingamit sang suspek sa pagpamuno.
