Mismo ang punong barangay sang Barangay 1, San Carlos City, Negros Occidental ang nagkumpirmar nga may yara sang naga-exister nga flood control projects sa ila suba apang ang contractor ang nagikan sa ciudad sang Bacolod kag indi nagikan sa Mountain Province.
Sa interview sang Bombo Radyo Bacolod kay Punong Barangay Joselito Lopez, ginpahayag sini nga may yara sang nagaeksister nga project sa Palampas River sa nasambit nga Barangay kag indi P151.5 million ang balor sini kundi P72.37 million lamang kag ang contractor sini amo ang C’zarles Construction and Supply.
Suno kay Lopez, nagaagi sa Barangay ang tanan nga mga proyekto bilang koordinasyon ilabi na kun may yara sang mga pumuluyo nga maapektuhan.
Dako nga pamangkot sang Punong Barangay kun sa diin naghalin ang impormasyon may kaangtanan sa P151.5 million nga balor sang flood control project sa Palampas River nga ang contractor amo ang Apo General Construction nga nakabase sa Mountain Province.
Suno sa Punong Barangay bisan siya ang wala sang hinalung-ong angot sa proyekto.
Dugang pa sini ang proyekto ang gin-umpisahan sang 2022 kag natapos sang January 2023 apang ang ginapahayag nga proyekto nga wala nagaeksister ang gin-umpisahan sang February 2023.
Suno diri sa nasambit nga tinion nagaclearing na sila sa natapos nga proyekto.
