Ginalauman sang Punong Barangay sang Barangay Singcang Airport, Bacolod City nga makuha ang kadalag-an sa national level sang Lupong Tagapamayapa Incentives Award.
Sa interview sang Bombo Radyo kay Punong Barangay Atty Caesar Ditrito, gintinguhaan sang barangay nga mapanubo ang numero sang mga kaso nga ginapasaka sa korte paagi sa pagsettle na lamang ini sa barangay.
Suno diri sa karun nga nakapasar na ini sa regional level, ginalauman naman ini nga magdaog man sa national level.
Pahayag ni Distrito, sadtong tuig 1997 sang nangin Punong Barangay man ang iya amay, nagdaog man sa local level, kag regional ang barangay para sa Lupong Tagapamayapa Incentives Award, kag nangin finalists sa national level.
Suno kay Distrito, ang award nga ila nabaton ang indi lamang para sa barangay apang ini ang para sa ciudad sang Bacolod.
