Ginakalipay gihapon sang punong barangay sang Barangay Sum-ag nga nakapasakop sila sa Street Dance and Arena Competition bisan nanaog sila sa 2nd runner-up.
Tinalikdan nga tuig, 1st runner-up ang Barangay Sum-ag.
Suno kay Punong Barangay Rodney Carmona, ang P300,000 nga premyo nga ila nabaton kagab-i ang tulungaon na sang tanan nga mga dancers kag ang may papel sa performance sang barangay.
Aminado ang barangay official nga makapoy para sa tanan nga dancers ang pagpulaw-bugtaw agud nga magpractice gani nagalaom ini nga sila ang yara sa maayo nga ikaayong-lawas.
Suno kay Carmona, malipayon sila nga nakahatag sang maayo nga palagwaon sa audience bisan dako ang gasto sang barangay sangsa nabaton nga premyo.
Nagpasalamat naman ini sa tanan nga mga dancers kag choreographer sang Barangay Sum-ag sa paghimo sang tanan nga masarangan agud nga makapasakop sa festival nga kilala, indi lang sa bug-os sa pungsod, kundi sa bilog nga kalibutan.
