Gin-athag sang Punong Barangay sang Barangay Sum-ag nga indi double dead kag nag-agi sa slaughterhouse ang baboy nga ginabaligya sa ila nga barangay.
Madumduman sang nakaligad nga P140 lang ang presyo sang kada kilo sang karne sang baboy sa isa ka meat shop sa San Juan-Soledad Streets, Brgy. Sum-ag, Bacolod City.
Sa interview sang Bombo Radyo kay Rodney Carmona, pagkadason nga inadlaw nagbalik naman sa normal ang presyo sang baboy sa masobra P200 nga presro sa merkado.
Suno diri, posible nga ginpanubuan ang presyo bangod wala na sang may nagabakal sang baboy bangod sa African Swine Fever kag Hog Cholera.
Apang, ginkumpirma sini nga wala sang double dead nga baboy nga ginabaligya sa ila nga barangay kag ang tanan nag-agi sa slaughterhouse.
Kumpleto man sang mga ID’s kag permit ang ila mga vendors.
Panugyan ni Carmona sa mga manugbakal nga magbakal sa mga lisensyado kag indi sa mga kilid-kilid lang nga ginpang -ihaw nga baboy.
