Nagapanawagan ang Punong Barangay sang Brgy Tangub, Bacolod City nga madugangan ang subsidiya nga ginahatag sa mga participating brgys sa Masskara Arena and Street Dance Competition- Brgy Category.
Sa interview sang Bombo Radyo kay Noli Villarosa, naplanohan na ang victory party sa mga kabataan nga nagcompete sa Brgy Category kag hatagan sila sang ila share sa premyo nga P1 million bilang champion sa competition.
Suno diri, nagdangat sa kapin P5 million ang nagasto sang Brgy sa pagpasakop sa competition halin sa balayran sa choreogrhaper, props, pagkaon sang dancers kag service nila nga amo nagasugat kag nagadul-ong sa ila tanan.
Suno sa Punong Brgy, siya kag ang iban nga nga Punong Brgy nagtinguha nga mangita sang sponsors bangod tuman ka dako sang ila kinlanlan nga budget kun sa diin ginhatagan lamang sila sang P750,000 nga subsidy nga saktohan lang sa adlaw-adlaw nga pagkaon sang dancers.
Sa karun, tuman ang kalipay sini sa pagdaog sang ila brgy apang nagapanawagan ini nga sa masunod nga Masskara Festival mas dako na ang mahatag nga subsidy.
