Ginpasalamatan sang Punong Barangay sang Barangay Villamonte syudad sang Bacolod ang bulig nga ginhatag nagikan sa opisina ni Senator Bong Go para sa nasunugan sa Purok 7, Maso St., Barangay Villamonte, Bacolod City sang Hunyo 29, 2022.
Madumduman nga ang sunog ang nagbilin sang P1.5 million nga kahalitan.
Tatlo ka balay ang involved kun sa diin lunsay mga two storey, isa diri ang totally damaged kag ang duha ang partially damaged.
Sa interview sang Bombo Radyo Bacolod kay Punong Barangay Rommel Flores sang Barangay Villamonte, ginpasalamatan sini ang nabaton nga bulig nagikan kay Senator Bong Go para sa mga nasunugan.
Nahibaluan nga may yara sang 14 ka pamilya kag nabug-usan sang 43 ka indibidwal ang nabiktima sang sunog sang tinalikdan nga bulan.
Ang mga biktima sang nasambit nga fire incident ang nakabaton sang P10 mil kada pamilya kag may yara man sang relief good, may ginparaffle pa nga cellphone kag sapatos para sa mga kabataan samtang may yara man sang bola nga ginpanghatag sa mga kabataan agud nga malingaw ilabi na ang mga interesado sa basketball.
Gintanyagan man ang mga biktima sang nasambit nga sunog sang temporaryo nila nga mapuy-an sa second floor sang barangay hall, apang ginpili sang iban nga magtinir sa ila mga panimalay apisar nga ini ang nasunog.
Ang ayuda ang natigayon paagi sa malasakit program pinaagi sa coordination ni Laurence Chua kag Direk Palanca kasubong man sa Department of Social-Services & Development (DSSD).
Suno kay Flores ang ginhatag nga ayuda ang dako na nga bulig para sa mga nasunugan agud nga makasugod liwat sa ila kabuhi.
