Nagpatigayon na sang clearing operation sa area sang nasunugan sa Barangay 17, Bacolod City.
Sa interview sang Bombo Radyo Bacolod kay Punong Barangay Rogelio Pabiana Jr., nag-amat-amat na clearing sa bahin sang nasunugan.
Suno kay Pabiana, wala man sang problema sa bulig bangud ang Bacolod City Mayors Office, Disaster Risk Reduction Management Office kag Department of Social-Services Development ang nagpadangat naman sang bulig sa mga ini.
Suno diri, subong nga adlaw may patigayunon nga interview sa mga nasunugan kag ang DSSD ang magahata sang financial assistance.
Nagpasalamat man ini sa Negros Power sa pag-assists agud nga mabalik ang kuryente sa barangay.
Nagapanawagan ini sa IPM nga makuha ang basura nga nakuha sa nasunugan.
Nagpasalamat ini sa kay Bacolod City Mayor Alfredo “Albee” Benitez kag Congressman Greg Gasataya nga magbulig man sa nasunugan.
Nagapasalamat man ang isa mga nasunugan nga nagapabilin sa Barangay Hall sang Barangay 17 sa mga nagbulig sa ila nga mga nasunugan.
Suno kay Dena De Oro, nagapanyapon sila sang nagluntad ang sunog kag naghingagaw lang gwa sa ila nga mga balay dala ang mga bata bangud nagdako na gilayon ang kalayo.
Wala man ang mga ini sang nasalbar bisan isa sa ila mga gamit.
Nanugunan man ini sang ila nga napundar nga nasunog lamang.
Suno kay De Oro, ginapasalamatan sini ang tanan nga nagbulig sa ila.
