Kumporme na ang Punong Barangay sang Barangay 2, Bacolod City nga nahatagan na sang husto nga lugar ang mga residente sang Barangay nga naapektohan sang demolition.
Suno kay Punong Barangay Emelda Banguanga, sang Miyerkules ginpadulongan nila ang relocation site sa Purok Arao, Barangay Vista Alegre.
Suno diri, may yara lang sang gamay nga limpyohan sa lugar apang mas maayo na ang pagplastar sang mga residente didto.
37 ka pamilya ang ginpahalinan sa lugar apang 20 lang ang naqualify sang Bacolod Housing Authority para sa relocation samtang ang wala naman sang relocation makabaton sa gihapon sang financial assistance.
Pahayag ni Banguanga, sa Barangay 2, kalabanan sa mga residente wala sang kaugalingon nga balay, amo nga sila gid ang masami nga ginapatigayonan sang demolition.
