Nagpanugyan ang Punong Barangay sang Barangay Alijis, ciudad sang Bacolod nga untaton na ang pagpamasol kasunod sa nagluntad nga power outage nga nagdugay sang lima ka gab-i.
Suno sa interview sang Bombo Radyo kay Deogracias Dela Vega, ang tanan nga reklamo nga ginahaboy sa Negros Electric and Power Corp. (NEPC) ang dapat na nga untaton bangod makit-an naman nga may yara na sang tikang nga ginhimo.
Suno diri, wala na dapat sang basulay kag ang importante sa karun nga ang problema sa kuryente ang nasolusyonan na.
Samtang, kadungan sang pagkadula sang kuryente, ang pagkadula man sang koneksyon sang tubig.
Suno kay Dela Vega, nagpalapit na ini sa PrimeWater para magdistribute sang tubig sa barangay.
Pahayag sang Punong Barangay, wala sang may makuha kun binasulay lamang kag dapat tutokan ang paghatag sang solusyon sa problema nga amo ang makabulig sa ila nga barangay.
