Wala sang pagduhaduha ang sabat sang Punong Barangay sang Brgy Granada nga pabor ini sa postponement sang Barangay and Sangguniang Kabataan Elections.
Nahibaluan nga ginpahayag ni Commission on Elections (COMELEC) Chairman George Erwin Garcia nga pirmahan na ni President Ferdinand “Bongbong” Marcos Jr. ang hagna nga magapostpone sang BSKE sa Agosto 12.
Kun sa diin ang natalana kuntani nga BSKE sa Disyembre 1, 2025 ang isaylo sa una nga Lunes sang Nobyembre 2026.
Sa interview sang Bombo Radyo Bacolod kay Armando Vito, bangod sa nakaligad nga mga postponement, duha na lamang ka tuig ang ila nga pagserbisyo kun madayun ang eleksyon sa Disyembre.
Pahanumdom sini nga tatlo ka tuig gid man ang nagakadapat nga tuig sang pagserbisyo sa kada termino.
Gani pabor ini nga ma-extend sang halos isa ka tuig ang ila pagpamuno sa Barangay.
Paathag ni Vito nga sa dugang nga tion sang pagpamuno, dapat nga mapakita ang intensyon sa pagbulig sa mga pumuluyo.
Para sa Punong Barangay, ang eleksyon ang mapaanggid sini sa exam, kag ang hinimuan amo ang magaserbe nga basihan sang mga pumuluyo sa pagpili.
Suno kay Vito, ini pa lamang ang iya una nga termino kag siya ang madamo pa sang handom kag mga plano para sa Barangay, gani siya ang magapare-elect.
Nakita man sini nga luyag sang mga pumuluyo nga mapadayun sini ang pagserbisyo.
