Ginkalipay sang Punong Barangay sang Barangay Tangub ang pagdeklarar sang Commission on Elections kay Kagawad Erwin Montaño bilang Number 4 Kagawad matapos ang isa ka tuig.
Mahibaluan nga tatlo sila nga parehas ang apelyido nga nagpapili sa pagka-Kagawad sa Barangay and SK Election sang 2023 gani nagtalang-talang ang iban nga boto.
Sa unofficial record, siya ang may 3,086 votes apang sa ginpagwa nga official result siya ang may-ara lamang sang kapin 2,400 ka boto.
Bangod sini siya ang naglabog sa rank-10 imbes nga kuntani Number 4 Kagawad.
Sa interview sang Bombo Radyo kay Punong Barangay Noli Villarosa, sadto nagapamalabag ini sa COMELEC bangod nagapati ini nga nagdaog si Montaño bilang no. 4 kagawad apang siya ang ginhambalan nga hulaton na lang ang desisyon sang COMELEC.
Suno kay Villarosa, nagakaangay nga mangin kagawad si Montaño bangod maayo ini nga tawo.
Para sa iya mahimo sini nga mabutang ang kagawad bilang kabahin sang peace and order ukon sa Disaster Risk Reduction and Management Office (DRRMO) man.
Samtang, napa-athagan na sini ang nagpungko nga kagawad sang masobra isa ka tuig sa matabo kasunod sa pagpungko ni Montaño bilang kagawad.
