Nagpanugyan ang punong barangay sang Brgy. Singcang Airport, Bacolod City sa babayi nga nagpost sa social media nga nag-aligar nga ginhimas sang wala makilal-an nga lalaki sang ini ang nagsaka sa jeep kasubong man sang pagpanaog na sini nga magpablotter sa mga kapulisan agud nga may record na kag mapasakaan sang nakaigo nga kaso sa tion nga makilala na.
Sa interview sang Bombo Radyo Bacolod kay Rosinie Distrito, gin-engganyo gid sini ang mga nabiktima sang lalaki nga nagacomment man sa post sang babayi nga dapat ireport gid sang mga ini sa otoridad ang kaangay nga insidente.
Nagapanawagan man ang punong barangay sa mga lalaki nga dapat respetuhon ang mga babayi.
Suno kay Distrito, sa tion nga makilal-an na ang lalaki mahimo ini nga mapasakaan sang kaso.
