Hugot na nga bantayan ang paghaboy sang basura sa Barangay Vista Alegre, siyudad sang Bacolod kasunod sang pag-abot sang apat ka multilift hooklift trash bin.
Sa interview sang Bombo Radyo kay Punong Barangay Lindy De Leon sang Barangay Vista Alegre, ang multilift hooklift ang gindisenyo bilang sabat sa problema sang basura sa barangay.
Suno diri, may yara sang apat ka area nga pagabutangan sang mga trash bin nga ginhingyo sini ang mga residente sang barangay nga mahimo magtultol sa na-assign nga garbage dump area.
Pahayag ni De Leon, kun may yara sang maghaboy sa area nga indi garbage collection point, iya paga-ticketan ang indibidwal kag hatagan sang penalty nga community service kun sa diin mahimo sini maglimpyo sa area nga ginhabuyan sang iya basura.
Ginahingyo sini ang mga residente sang barangay nga ihaboy ang basura sa mga trash bin agud mangin matinlo ang barangay.
