Nagsungka na si Punong Brgy Arnie Benedicto, sang Barangay Lantad, Silay Citym nga amo ang suspect sa pagpangluthang sa Brgy Mambulac, Silay City, Negros Occidental.
Ang Kapitan ang nagvoluntary surrender sa Negros Occidental Police Provincial Office.
Una nga nakit-an si Benedicto nga nagsulod sa balay nga isa ka private property nga gina-usar sang mga kandidato kag supporters sang Team Asenso.
Paggwa sini, hinali lang niya nga ginpaarakan sang luthang ang mga tawo sa gwa sang balay nga mga volunteers sang Team Ugyon nga nagamonitor sa gina-alegar vote buying.
Duha ang kumpirmado nga patay nga ginkilala nga sanday Albert Salimbot, yara sa legal nga edad, residente sang Hda. Macamig Pulo, Brgy E. Lopez kag Ronnie Piedad, 45 anyos, residente sang Zone 7, Purok Ipil-Ipil, Brgy Mambulac samtang ang mga pilason naman ang ginkilala nga sanday Ruel Espinosa, 42, anyos, Purok Highway, Zone 15, Talisay City; Ric Ortillano, 46 anyos, residente sang Hofileña Subd, Brgy Mambulac; Wilfredo Cuello, 46 anyos, residente sang PLDT Baybay, Brgy Mambulac; Jason Belleza, legal ang edad, residente ang Yolanda Housing, Brgy E. Lopez; Joey Pomares, residente sang Brgy Mambulac; Glenn Gutierrez, 49 anyos, residente sang Cabay Bodegam Brgy Guinhalaran, kag may isa pa nga wala nakuhaan sang identity.
