Gin-suspend sang anum ka bulan without pay kag may stern warning nga kon may repetition sa kaangay nga sala iga dismiss sa serbisyo si anay Punong Brgy Bernabe Sibug sang Brgy. 7. Ini ang ginpapanaog nga desisyon sang Office of the Ombudsman- Visayas.
Sa desisyon nga napetsahan Septyembre 29, 2025, ang Ombudsman ang nagmando nga may yara sang nagakaigo nga ebidensya agud nga manabat si Kagawad Sibug sa mga ginpanghimo sini nga naghigko sa imahe kag integridad sang iya public office.
Ang reklamo administratibo ang nag-ugat sa isa ka insidente nga gin-report nga natabo sang Setyembre 26, 2024, kun sa diin ang tagreklamo nga si Paolo Jarobel, ang nag-alegar nga ginpahog ini kag ginlampusan sang steel pipe sang tatlo ka beses.
Ginhatagan pagtamod sang Ombudsman nga ang pahayag sang tagreklamo ang ginpamatud-an sang mga pahayag sang mga saksi, medical findings, mga opisyal nga rekord, kag mga video footage nga ginsumiter bilang ebidensya.
Ginklaro man sang Ombudsman nga bisan pa ang isa ka public official ang yara sa idalom sang preventive suspension, wala ini ginakuhaan sang legal status bilang public officer kag ang indi maayo nga pagginawi nga naghigko sang integridad sang public service ang mahimo sagihapon nga madagdagan sang penalidad.
Nakasaad man sa desisyon nga kun ang penalidad ang indi na mapatuman bangud nga wala na ini sa serbisyo, ang penalidad ang iga-convert sa multa nga katumba sang anum ka bulan nga sweldo nga ibayad sa Office of the Ombudsman kag mahimo mabuhinan gikan sa benepisyo ukon mga receivables.
Si Kagawad Bernabe ang gin-suspend man sang Ombudsman sang tatlo ka bulan sang nagligad nga tuig gani ini ang ikaduha na nga suspension sa karun sini nga termino.
