Puti nga batog sang itlog, makit-an sa Japan

Nakakita kana bala sang puti nga batog sang itlog sang manok? Nagviral sa Japanese social media kag may linibo nga mga tawo ang nagpamangkot kun ini bala ang matuod ukon ginedit lamang.

Ini ang nag-umpisa sa isa ka post ni Tsuda Junko, ang editor-in-chief sang online magazine Design no Hikidashi, sa X ukon anay Twitter nga nagafeature sang litrato sang ginlaga nga itlog nga gintunga.

Indi man ini ang exciting post apang nagviral ini bangud madamo nga na-intriga bangud ang naluto nga batog sang itlog ang daw kaangay kaputi sa egg white.

Bisan si Junko ang natingala man kag nagpahayag nga nakabati na ini sang variety sang Okinawa eggs nga may puti nga batog apang wala ini nagdahom nga amo ini kaputi.