Mas naglala pa ang kinagamo sa Yemen sang Dominggo sang naglunsyar ang pwersa militar sang pungsod sang pagpang-atake sa Houthi rebels nga suportado sang Iran, sa may bahin sang Red Sea, kag nag-opensa man ang Houthi kag gin-atake ang Saudi Arabia, nga kaalyado sang Yemen.
Nagpasalig ang Yemeni government nga magpadala pa sang madamo nga pwersa sa Red Sea coast matapos ang mapait nga kapierdehan sang nakaligad nga semana sa diin nakuha sang rebelde nga grupo ang kontrol sa pantalan sa ciudad sang Mokha kag isa ka isla sa Bab-el-Mandeb Strait, isa ka alternatibo nga ruta sang Strait of Hormuz.
Ginabanta yara sa masobra 80,000 ka mga indibidwal ang napilitan nga magbakwit humalin sang nag-umpisa ang tensyon sa pungsod.
Base naman sa panaysayon sang isa ka pumuluyo sa Yemen, nakita sini mismo ang mga salakyan kag mga bus nga nagakasunog kasubong man ang mga kabataan kag kababainhan nga nagahamyangon sa dalanon nga wala na sang kabuhi.
