Gin-athag ni Bacolod City Vice Mayor El Cid Familiaran, pinuno sang inter-agency task force against COVID-19 sa Bacolod, nga himuon bilang step-down ukon recovery facility ang 32-room quarantine facility nagikan sa Department of Public Works and Highways (DPWH).
Nahibaluan nga subong nga adlaw ginpatigayon ang turn-over ceremony sang P25 million nga balor sang isolation facility sa city government.
Sa interview sang Bombo Radyo Bacolod kay Familiaran, ginpahayag sini nga plano nila nga himuon bilang recovery facility ang amo nga pasilidad.
Suno sa bise alkalde, kun manug-ayo na ang isa ka pasyente nga may yara sang COVID-19 kag naka-admit sa ospital, pwede na ini masaylo sa amo nga isolation facility sa Barangay Alijis.
Ini agud nga indi matam-an ang pasyente sa iya balayran sa ospital kun magatinir pa ini sang mas malawig didto.
Dugang pa sini nga may yara man sang mga doktor kag nurses nga magabantay para sa dalayon nga pag-ayo sang pasyente.
